Jizzax viloyatining Arnasoy tumanida qurilishi davom etayotgan aeroportga sinov tariqasida birinchi samolyot qo‘ndi. Bu haqda O‘zA xabar berdi.
L-410UVP-E20 rusumli havo kemasining parvozi orqali texnik imkoniyatlar sinovdan o‘tkazildi.
Arnasoy tumani hokimi Odil Musanovning taʼkidlashicha, bugungi kunda turistik zonada mehmonxonalar, dam olish maskanlari, suv sporti infratuzilmalari va yo‘l-transport tarmoqlari jadal rivojlanmoqda.
Taʼkidlanishicha, aeroport to‘liq ishga tushgandan so‘ng, u nafaqat ichki, balki xalqaro turistik oqimni ham qamrab olishi kutilmoqda.
Ko`proq xabarlar Telegram kanalimizda
Obuna bo`ling
