Nukusdagi FVVga qarashli harbiy qismda bir yillik xizmatni o‘tayotgan askar 5 nafar fuqaroni pichoqladi. Bu haqda Bosh prokuratura matbuot xizmati Repost.uz'ga xaabr berdi.
Ma’lum qilinishicha, 3 yanvar kuni 19 yoshli askar harbiy qismda xizmatdoshini urib, muassasadan chiqib ketgan. Mast holatda eshigi ochiq turgan xonadonga kirib, oshxona pichog‘i va chopiq bilan uxlab yotgan 5 nafar fuqaroni sababsiz pichoqlagan.
Holat yuzasidan Jinoyat kodeksining 97-moddasi (Qasddan odam o‘ldirish) 1-qismi va 25, 97-moddasi (Qasddan odam o‘ldirishga suiqasd qilish) 2-qismi «a», «l» bandlari bilan jinoyat ishi qo‘zg‘atilgan. 2005 yilda tug‘ilgan gumonlanuvchi shaxs prosessual tartibda ushlangan.
Jabrlanuvchilarning 1 nafari vafot etgan, qolgan 4 nafariga shifoxonada zarur tibbiy yordam ko‘rsatilmoqda.
Nukus harbiy prokuraturasi tomonidan tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
