Jizzax viloyati G‘allaorol tumani hokimligining qishloq xo‘jaligi bo‘limi bosh mutaxassisi pora bilan ushlandi. Bu haqda DXX xabar berdi.
U o‘g‘liga tegishli bo‘lgan fermer xo‘jalikning 11 gektar yerini xaridorga 11 ming dollarga sotishga kelishib, muqaddam 5 ming dollar olgan.
Biroq, u qolgan 6 ming dollar hamda tegishli hujjatlarni hokimlik va kadastr idoralaridagi tanishlari orqali rasmiylashtirib berish evaziga 700 dollar, jami 6700 dollarni olgan vaqtida qo‘lga olindi.
Hozirda bosh mutaxassisga nisbatan Jinoyat kodeksining 168-moddasi 3-qismi “a” bandi va 28,211-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
