O‘zbekiston hududining katta qismida 16-18-mart kunlari yog‘ingarchiliksiz ob-havo bo‘lishi kutilmoqda. Bu haqda O‘zgidromet xabar berdi.
Faqat 17-18-martda Surxondaryo viloyatida va 18-martda Qashqadaryo, Samarqand viloyatlarida ba‘zi joylarda yomg‘ir yog‘adi.
19-martda respublikaning markaziy va janubi-sharqiy hududlarida ayrim joylarda yomg‘ir yog‘adi.
20-martda O‘zbekiston hududi bo‘yicha yog‘ingarchilik kutilmaydi.
Ushbu davrda havo harorati asosan kechalari 5-10 daraja iliq, kunduz kunlari 15-20 daraja iliq, yomg‘ir paytida 13-15 daraja iliq bo‘ladi.
16-17-mart kunlari respublikaning shimolida va cho‘l hududlarida shamol tezligi 13-18 m/s gacha kuchayishi mumkin.
Toshkentda 16-18 va 20 mart kunlari yog‘ingarchilik kutilmaydi.
19 martda vaqti-vaqti bilan yomg‘ir yog‘adi. Sharqiy shamol yo‘nalishini o‘zgartirib, g‘arbdan 3-8 m/s tezlikda esadi.
Harorat asosan kechalari 5-10 daraja iliq, kunduz kunlari 17-20 daraja iliq, 19-martda 14-17 daraja iliq bo‘ladi.
Ko`proq xabarlar Telegram kanalimizda
Obuna bo`ling
