Foto: Gazeta.ru
Olimlar Sankt-Peterburgda olib borgan tadqiqotlari davomida koronavirusning boshqa mamlakatlarda hali uchramagan varianti – "omicron" va "delta" shtammlari gibridi bo'lgan yangi mutasiyani aniqladilar. Bu haqda amerikalik genetik Dimitriy Pruss ma'lum qilgan.
Uning aytishicha, "omicron" va "delta" genomlari bo‘laklarini birlashtirgan viruslar juda kam uchraydi, chunki "delta" shtammi deyarli yo'q bo'lib ketgan.
"Ammo, aynan shunday noodatiy gibrid viruslar Sankt-Peterburgdagi genomik ma'lumotlarning so'nggi yuklamalarida topilgan. Ulardan birinchisi iyul oyi boshida bazalarda paydo bo'ldi, biroq bunga ishonilmadi. Iyul oyining oxiriga kelib, Smorodinsev gripp instituti tadqiqotchilari yanada ko'proq bunday genomlarni topdilar. Biz qo'limizdan kelgan hamma narsani qayta ko'rib chiqdik va ishonchli xulosaga keldik: bu xato emas, balki haqiqatan ham gibrid virus", deydi olim.
Olimning qo'shimcha qilishicha, “delta”da, “omicron”da zaiflashtirgan o‘pkaga zarar yetkazish qobiliyati bor, ammo bu gibrid virusda qanday bo'lishi hali noma'lum.
Shuningdek, Pruss, Rossiya tibbiyot tashkilotlariga yangi shtammlarni kuzatishni kuchaytirishni maslahat berdi. Shu bilan bir qatorda, genomlarni faolroq o‘qish va jahon ma’lumotlar bazalariga yuklash orqali shaffofroq hisobot berish talab qilinadi. Busiz, epidemiologik nazorat choralarini kuchaytirish vaqti kelgani yoki yo‘qligini aytish uchun yetarli ma’lumotlar yo‘q deya ta'kidlab o'tdi.
"Yangi variantlar mutaxassislar tomonidan sinchkovlik bilan o'rganilishi kerak. SARS CoV-2 ximerasi haqida ma'lumotlar juda cheklangan namunada olingan, rekombinantlarning xususiyatlarini baholashga hali erta", deydi u.
Qayd etilishicha, "delta" va "omicron" gibridi paydo bo‘lgani haqida ilgari xabar qilingan. Yanvar oyida kiprlik olimlar "deltakron" topilgani haqida ma’lum qilgan. U "delta" bilan pastki genetik asosga va ayni paytda "omicron"ga xos mutasiyalarga ega. Biroq, bu gibrid faqat 25 kishida aniqlangan. Shu munosabat bilan, "deltakron" laboratoriya xatosi – ketma-ketlik uchun olingan virus namunasining ifloslanishi natijasi degan takliflar mavjud edi.
Ko`proq xabarlar Telegram kanalimizda
Obuna bo`ling
