Qoraqalpog‘iston Respublikasining Kegeyli va Taxtako‘pir tumanlarida qiymati qariyb 1,8 mlrd so‘mlik suyultirilgan gaz ballonlari talon-toroj qilingan. Bu haqda Bosh prokuratura huzuridagi Departament xabar berdi.
“Kegeylitumangaz”ta‘minoti bo‘limining moddiy javobgar shaxslari qiymati 741 mln so‘mlik 781 dona suyultirilgan gaz ballonini o‘zlashtirish yo‘li bilan talon-toroj qilgani aniqlangan.
“Taxtako‘pirtumangaz” ta‘minoti bo‘limining moddiy javobgar shaxslari qiymati 1 mlrd so‘mlik 1067 dona suyultirilgan gaz ballonini o‘zlashtirgani ma‘lum bo‘lgan.
Har ikki holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishlari qo‘zg‘atilib, tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
