8-fevral kuni Rossiyaning turli hududlarida qarovsiz qolib ketgan yana 6 nafar bola O‘zbekistonga qaytarildi. Bu haqda Bolalar ombudsmani xabar berdi.
Bola huquqlari vakili so‘roviga ko‘ra, Rossiya Bolalar ombudmani tomonidan zaruriy ko‘mak choralari ko‘rsatilib, bolalar uchun barcha qulay va munosib shart-sharoitlar ta‘minlandi.
Natijada 8-fevral kuni keyingi guruh - 6 nafar bola (4 nafari - Moskva shahridan, 2 nafari Moskva viloyatidan) IIV mas‘ullari tomonidan O‘zbekistonga qaytarildi.
Hozirda olib kelingan bolalar Toshkent shahar IIBB huquqbuzarlik profilaktikasi boshqarmasi Voyaga yetmaganlarga ijtimoiy-huquqiy yordam ko‘rsatish markaziga vaqtincha joylashtirildi.
Endi Ijtimoiy himoya milliy agentligi tomonidan bolalarga yaqinlarining vasiyligini qonuniy tartibda belgilash choralari ko‘rilmoqda.
Ko`proq xabarlar Telegram kanalimizda
Obuna bo`ling
