Navoiy viloyatining Tomdi tumanidan o‘tgan yo‘lda 5-yanvar kuni soat 7:40 larda YTH sodir bo‘ldi. Bu haqda viloyat IIB matbuot xizmati xabar berdi.
Salonida 47 nafar yo‘lovchisi bo‘lgan avtobusni Zarafshon-Navoiy yo‘nalishi bo‘ylab boshqarib borayotgan 1986-y.t. fuqaro Sh.X. rul boshqaruvini yo‘qotib, yo‘nalishi bo‘yicha o‘ng tomonga chiqib ketib, ag‘darilgan.
Hodisa oqibatida yo‘lovchi sifatida ketayotgan 2 nafar fuqaro olgan tan jarohatlari sababli voqea joyida vafot etgan.
Turli ko‘rinishdagi tan jarohatlari olgan 9 nafar fuqarolar tibbiyot muassasalariga yotqizilgan.
Hozirda viloyat IIB tomonidan voqea tafsilotlari o‘rganilmoqda.
Ko`proq xabarlar Telegram kanalimizda
Obuna bo`ling
