Dam olish kunlari respublika bo‘yicha ba‘zi joylarda qisqa muddatli yomg‘ir yog‘adi. Bu haqda O‘zgidromet xabar berdi.
Ayrim joylarda momaqaldiroq kuzatiladi. Tog‘ oldi va tog‘li hududlarda sel-suv toshqin hodisalari yuzaga kelishi mumkin.
Harorat foni biroz pasayadi. Shanba kuni shimoli-g‘arbiy hududlarda va cho‘l zonasida, yakshanba kuni esa respublikaning barcha hududlari bo‘yicha kunduzgi havo harorati 20-25 daraja iliqni tashkil etadi. Harorat kechalari 12-17 daraja iliq atrofida bo‘ladi.
Shamol 7-12 m/s tezlikda esadi, ba‘zi joylarda 13-18 m/s gacha kuchayishi, ayrim joylarda chang-to‘zonlar bilan kuzatilishi mumkin.
Toshkentda ertaga yog‘ingarchilik kutilmaydi. Harorat kunduzi 27-29 daraja iliq bo‘ladi.
Yakshanba kuni qisqa muddatli yomg‘ir yog‘adi, shamol 10-12 m/s tezlikda kuchayishida momaqaldiroq kuzatilishi mumkin. Harorat kunduzi 21-23 daraja iliq bo‘ladi.
Harorat asosan kechalari 13-15 daraja iliq bo‘ladi.
Ko`proq xabarlar Telegram kanalimizda
Obuna bo`ling
