Toshkentning ikkita tumanida elektr energiyasida vaqtinchalik uzilishlar kuzatiladi. Bu haqda «Toshkent shahar elektr tarmoqlari» MCHJ matbuot xizmati xabar berdi.
Jumladan, 19–23-dekabr kunlari Olmazor tumanining ayrim hududlarida elektr energiyasida zarur holatlarda vaqtinchalik uzilishlar kuzatilishi mumkin.
Bunga “Sag‘bon” podstansiyasida yangi o‘rnatilgan elektr qurilmalarini ishga tushirish, sinov-sozlash ishlarini xavfsiz olib borish hamda yuklamani teng taqsimlash maqsadida, vaqti-vaqti bilan qisqa muddatli elektr ta‘minotida uzilishlar kuzatiladi.
Ushbu hududlar: “Ahil”, “Bo‘stonobod”, “G‘alaba”, “Gulsaroy”, «Islom ota», “Istiqbol”, “Moyariq”, “Oltinsoy”, “Paxta”, “Qichqiriq”, “Tabassum”, “Tepaguzar”, “Umid”, «Yangi Toshkent», “Yoshlik” hamda “Elparvar” MFYlari.
Ko`proq xabarlar Telegram kanalimizda
Obuna bo`ling
