Foto: iStock
2022-boshidan buyon dunyoda 67 nafar jurnalist hamda OAV xodimlari oʻz vazifasini bajarish chogʻida halok boʻldi. Bu haqda haqda Xalqaro Jurnalistlar Federatsiyasi (IFJ) maʼlum qilmoqda.
Qayd etilishicha, mazkur koʻrsatkichlar oʻtgan yilning mos davriga nisbatan 20 nafarga koʻp.
Maʼlum qilinishicha, jurnalistlarning 12 nafari Ukrainadagi urush vaqtida mojarolar sabab halok boʻlgan. Federatsining xabariga koʻra, bu halokatli voqealar qayd etilgan 21 mamlakatdagi eng yuqori koʻrsatkichdir.
Ammo Meksikadagi jinoiy tashkilotlarning terrori hukmronligi (11 nafar) hamda Gaitidagi (6 nafar) qonun va tartibning buzilishi ham qotilliklarning koʻpayishiga asos boʻlgan.
Shuningdek, Yevropada oʻldirilgani qayd etilgan (13 nafar) jurnalistlarning soni Yaqin Sharq va Arab dunyosi (5) va Afrika (4) mamlakatlarida roʻyxatga olinganidan koʻproqni qayd etgan.
Federatsiya bosh kotibi Entoni Bellanjerning soʻzzlariga koʻra, jurnalistlar va boshqa ommaviy axborot vositalari xodimlari oʻldirilishining koʻpayishi jiddiy tashvishga sabab boʻlmoqda va butun dunyo hukumatlarini demokratiyaning asosiy ustunlaridan biri boʻlgan jurnalistikani himoya qilish uchun chora koʻrishga yana bir signaldir.
“Harakat qilmaslik erkin axborot oqimini bostirishga va odamlarning oʻz rahbarlarini javobgarlikka tortish qobiliyatiga putur yetkazmoqchi boʻlganlarni faqat ruhlantiradi, shu jumladan, jamiyatda hokimiyat va taʼsir kuchiga ega boʻlganlarning ochiq va inklyuziv yoʻliga toʻsqinlik qilmasligini taʼminlashga yordam beradi. Endi BMT Bosh Assambleyasi Jurnalistlar xavfsizligi va mustaqilligi toʻgʻrisidagi konvensiyasini qabul qilishi vaqti keldi”, — deydi u.
IFJ roʻyxati, shuningdek, siyosiy repressiya 2022-yil davomida Xitoydan Belorussiyaga, Misrdan Gonkong, Eron, Myanma, Turkiya va Rossiyaga qadar ommaviy axborot vositalarining ovozini oʻchirish va erkinlik uchun norozilik namoyishlarini bostirish uchun bosh koʻtarganini koʻrsatadi. Hozirda 375 nafar jurnalist va ommaviy axborot vositalari xodimlari panjara ortiga qamalgan (jumladan, Yevropada 124 nafar).
Maʼlum qilinishicha, bu ikki yil avval IFJ Xalqaro huquq himoyasi kunini nishonlash uchun qamoqqa olingan jurnalistlar roʻyxatini eʼlon qila boshlaganidan beri eng yuqori koʻrsatkichdir.
Xabarga koʻra, Xitoy va uning Gonkongdagi ittifoqchilari 84 nafar qamoqdagi jurnalistlar bilan roʻyxatda birinchi oʻrinni egallagan boʻlsa, Myanma (64 nafar), Turkiya (51 nafar), Eron (34 nafar), Belarus (33 nafar), Misr (23 nafar), Rossiya va Qrim (29 nafar), Saudiya Arabistoni (11 nafar), Yaman (10 nafar), Suriya (9 nafar) va Hindiston (7 nafar) keyingi oʻrinlarni band etgan.
Yevropada esa hozirda 124 nafar, jumladan, Turkiyada 52 nafar, Belarusda 33 nafar, Rossiyada 19 nafar, Ukrainada 13 nafar (jumladan, bosib olingan Qrimda), Ozarbayjonda 4 nafar, Gruziyada 1 nafar, Polshada 1 nafar va Buyuk Britaniyada 1 nafar jurnalist qamalgan.
Ko`proq xabarlar Telegram kanalimizda
Obuna bo`ling
