14-fevral kuni kunduzi va 15-fevral kuni respublika bo‘yicha yog‘ingarchiliksiz ob-havo bo‘lishi kutilmoqda. Bu haqda O‘zgidromet xabar berdi.
Ushbu kunlarda havo harorati ko‘tariladi, bugun 10-15 daraja iliqqacha, yakshanba kuni esa 17-22 daraja iliqqacha bo‘ladi. Kechalari harorat 5-10 daraja iliq atrofida bo‘ladi.
Shamol 7-12 m/s tezlikda esadi. Ayrim joylarga tuman tushishi mumkin.
Respublikaning tog‘ oldi va tog‘li hududlarida sel-suv toshqin hodisalari yuzaga kelishi mumkin. Tog‘larda qor ko‘chishi xavfi bor.
Toshkentda shanba kuni kechasi va ertalab yomg‘ir yog‘adi, kunduzi yog‘ingarchilik kutilmaydi.
Yakshanba kuni yog‘ingarchilik kutilmaydi. Harorat asta-sekin 17-20 daraja iliqqacha ko‘tariladi.
Harorat asosan kechalari 6-9 daraja iliq bo‘ladi. Shamol 3-8 m/s telikda esadi. Kechasi va ertalab tuman tushishi mumkin.
Ko`proq xabarlar Telegram kanalimizda
Obuna bo`ling
