Toshkent viloyati Qibray tumani hokimining tadbirkorlikni rivojlantirish, aholi bandligini taʼminlash va qambag‘allikni qisqartirish masalalari bo‘yicha mahalla yordamchisi ushlandi. Bu haqda DXX xabar berdi.
U mahalla binosi yonida joylashgan va davlat zaxirasida bo‘lgan 4 sotix yerni xaridor nomiga rasmiylashtirib berish evaziga 50 ming dollar talab qiladi.
Hokim yordamchisi bu ishni hokimlikda ishlovchi tanishlari yordamida arxiv hujjatlariga soxta maʼlumotlar kiritish orqali qilmoqchi bo‘lgan.
U so‘ralgan puldan 10 ming dollar olgan vaqtida ushlandi.
Holat yuzasidan hokim yordamchisiga nisbatan Jinoyat kodeksining 168-moddasi 4-qismi “a” bandi va 28,211-moddasi 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
