Videodan kadr
Qashqadaryo viloyati huquq-tartibot idoralari xodimlari tomonidan oʻtkazilgan tezkor tadbir davomida Yakkabogʻ tumani hokimligi xodimi mahalliy qurilish tashkiloti vakilidan 370 million soʻm olayotgan vaqtda qoʻlga olindi, deya xabar bermoqda OʻzA.
Maʼlum boʻlishicha, amaldor ikkita bogʻchani kapital taʼmirlash loyihasi boʻyicha 5 milliard 250 million soʻmlik tenderda gʻolib chiqishga yordam berishni vaʼda bergan. Buning evaziga u ushbu summaning 7 foizini talab qilgan.
Shuningdek, tezkor tadbir davomida ushbu jinoyatga aloqador boʻlgan Yakkabogʻ tumani maktabgacha taʼlim boʻlimi xodimi qoʻlga olindi.
Hozirda yuqoridagi shaxslarga nisbatan JKning tegishli moddalari bilan jinoyat ishi qoʻzgʻatilib, tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
