Andijon viloyatida to‘rt egizak dunyoga keldi. Bu haqda Sog‘liqni saqlash vazirligi matbuot xizmati xabar berdi.
25-avgust kuni erta tongda Respublika ixtisoslashtirilgan ona va bola salomatligi ilmiy-amaliy tibbiyot markazining Andijon viloyati filialida Andijon tumanida yashovchi Dildoraxon Ahmedova to‘rt nafar farzandni dunyoga keltirdi.
Ayol 20-avgust kuni ko‘p homilalik tashxisi bilan tibbiyot muassasasiga qabul qilingan. Unda muddatidan avval kesarcha kesish amaliyoti o‘tkazilgan.
Birinchi chaqaloq — qiz 1840 gramm, ikkinchisi — o‘g‘il 1534 gramm, uchinchisi — qiz 1584 gramm, to‘rtinchisi — qiz 1756 gramm vaznda tug‘ilgan.
Tug‘uruq jarayoni akusher-ginekolog, neonatolog va reanimatologlar ishtirokida o‘tkazilgan. Hozirda ona va to‘rt nafar chaqaloq tibbiyot xodimlari nazoratida.
Vazirlik ma‘lumotiga ko‘ra, Andijonda joriy yilning iyun oyida ham to‘rt, iyulda esa besh egizak dunyoga kelgan.
Ko`proq xabarlar Telegram kanalimizda
Obuna bo`ling
