Toshkent shahar, Uchtepa tumani, Qovunchi ko‘chasida joylashgan qurilish maxsulotlari sotish bozorida 21 fevral soat 05:09 larda yong‘in sodir bo‘ldi. Bu haqda FVV xabar berdi.
Qutqaruv bo‘linmalari soat 05:18 da hodisa joyiga yetib borib, yong‘in soat 05:38 da o‘rab olingan.
Yong‘in soat 06:00 da o‘chirildi. Hodisa oqibatida tan jarohati olganlar yo‘q.
FVVga ko‘ra, aytilgan manzilda sodir bo‘lgan yong‘in natijasida bozor hududidagi 200 kv.m maydonda joylashgan rom va eshik mahsulotlari yonib zararlangan.
16-fevral kuni mazkur bozorda o‘tkazilgan tekshiruv davomida yong‘in xavfsizligi qoidalarining bir qator buzilish holatlari aniqlangani sababli, kamchiliklar bartaraf etilguniga qadar bozorning ish faoliyati to‘xtatilib, 3 kunga elektrdan uzilgan.
Bozor ma‘muriyati tuman FVBga aniqlangan barcha kamchiliklarni bartaraf etish bo‘yicha kafolat xati taqdim etgan. Biroq, afsuski, ushbu qoidabuzarliklar o‘z vaqtida to‘liq bartaraf etilmagani oqibatida yong‘in kelib chiqqan.
Ko`proq xabarlar Telegram kanalimizda
Obuna bo`ling
