“Uyda yolgʻiz” kinofilmi
Amerikaning taniqli rejissyorlari Kris Kolambus va Jon Xyuzning “Uyda yolgʻiz” filmi birinchi bor 1990-yilda ekran yuzini koʻrgan. U AQSH tarixidagi eng kassabop Rojdestvo filmiga aylangan va “Oskar” hamda “Oltin globus”ni qoʻlga kiritgan. Film katta ekranlarda namoyish etilgandan keyin katta foyda keltirdi.
“Qor malikasi” kinofilmi
“Qor malikasi” mashhur yozuvchi Hans Kristian Andersenning xuddi shu nomdagi asariga asosan suratga olingan film boʻlib, u 1966-yilda ilk bor katta ekranlarda namoyish qilingan.
“Yangi yildagi taʼtil” kinofilmi
Rejissyor Jon Xyuzning yana bir mashhur filmlaridan biri “Yangi yildagi taʼtil” kinokartinasi 1989-yilda katta ekranlarga chiqqan. Film komediya janrida boʻlib, uning “Taʼtil”, “Yevropadagi taʼtil” nomli qismlari ham suratga olingan.
“Yangi yil tarixi” kinofilmi
Amerikalik rejissyor Bob Klark 1983-yilda “Yangi yil tarixi” filmini suratga oldi va bu kinokartina uchun 4 million dollar mablagʻ sarfladi. Film 9 yoshli Ralfining Yangi yil bayramidagi sarguzashtlari haqida.
“Janob Popperning pingvinlari” kinofilmi
Mazkur film Richard va Florens Atwaterning 1938-yildagi xuddi shu nomli kitobiga asoslangan holda suratga olingan. Film 2011-yilda AQSHda suratga olingan boʻlib, u fantastik janrdagi kino hisoblanadi.
“Grinch — Yangi yil oʻgʻrisi” kinofilmi
Germaniya AQSH kinoijodkorlari bilan hamkorlikda suratga olingan “Grinch — Yangi yil oʻgʻrisi” kinofilmi 2000-yilda katta ekranlarda namoyish etilgan.
“Charli va shokolad fabrikasi” kinofilmi
Amerika Qoʻshma Shtatlar va Birlashgan Qirollikʼning Tim Burton tomonidan ishlangan musiqali fantastika komediya filmi. Mazkur film 2000-yilda katta ekranlarda namoyish qilingan boʻlib, 2001-yilda “Eng yaxshi pardoz” uchun “Oskar” mukofotiga sazovor boʻlgan. 2018-yilda esa Illumination studiyasi hikoyaning multfilm remeykini chiqardi.
“34 koʻchadagi moʻjiza” kinofilmi
Oʻtgan asrning eng mashhur kinofilmlaridan biri “34 koʻchadagi moʻjiza” kinofilmi 1947-yilda suratga olingan. Film Amerikaning taniqli yozuvchilari Jorj Siton va Valentin Devis ssenariylari asosida suratga olingan. Ushbu filmning yana 4 ta yangi talqini tomoshabinlarga namoyish etilgan.
“Ayoz Bobo” kinofilmi
“Ayoz Bobo” oʻtgan asrning eng mashhur filmlaridan biri hisoblanadi. Ushbu ertak-film Rossiya kinoijodkorlari tomonidan suratga olingan boʻlib, u 1964-yilda katta ekranlarda namoyish qilingan.
“Yangi yil yilnomosi yangi yilni qutqaramiz santa” kinofilmi
“Yangi yil yilnomasi yangi yilni qutqaramiz santa” filmi Amerika Qoʻshma Shtatlari kinoijodkorlari tomonidan suratga olingan boʻlib, mazkur film 2020-yilda katta ekranlarda namoyish etilgan. Ushbu film sarguzasht, fantastik film hisoblanadi.
Ko`proq xabarlar Telegram kanalimizda
Obuna bo`ling
