Toshkentning Sergeli hamda Yangihayot tumanlarida 28-mart kuni soat 09:00 dan soat 15:00 gacha vaqtincha uzilishlar kuzatiladi. Bu haqda «Toshkent shahar elektr tarmoqlari» MCHJ matbuot xizmati xabar berdi.
Bunga 35/6 kV kuchlanishli Sergeli-35 podstansiyasida modernizatsiya dasturi doirasida mukammal ta‘mirlash ishlari amalga oshirilishi sabab bo‘ladi.
Taʼmirlash ishlarini xavfsiz olib borish hamda yuklamani teng taqsimlash maqsadida qisqa muddatli elektr ta‘minotida uzilishlar kuzatiladi.
Sergeli tumani: “Xonobod”, “Izzatli”, “Sadoqat”, «Keng Makon», “Eshonbuloq” hamda “Nomdanak” MFYlarining ayrim hududlarida;
Yangihayot tumani: «Xo‘ja Uchqun», “Jaloir” hamda «Yangi Gulzor» MFYlarining ayrim hududlarida.
Mazkur hududlarda ta‘mirlash ishlari belgilangan vaqtdan avvalroq yakunlanishi mumkin.
Ko`proq xabarlar Telegram kanalimizda
Obuna bo`ling
