O‘zbekistonning aksariyat hududlarida 4-yanvar kuni yog‘ingarchilik (yomg‘ir, qor) kuzatiladi. Bu haqda O‘zgidromet xabar berdi.
Faqat Qoraqalpog‘iston, Xorazm viloyati va Farg‘ona vodiysi viloyatlarida yog‘ingarchilik kutilmaydi.
5-yanvar, yakshanba kuni respublika hududining katta qismida yog‘ingarchiliksiz ob-havo kuzatiladi. Farg‘ona vodiysi hududlarida vaqti-vaqti bilan yog‘ingarchilik kuzatiladi, asosan qor shaklida bo‘ladi. Toshkent, Jizzax, Sirdaryo viloyatlarida faqat tunda va ertalabki soatlarda biroz qor yog‘ishi mumkin.
Kechasi harorat 0-5° sovuq, kunduzi 4-8° iliq, qor vaqtida 1-3° iliq bo°ladi. Respublikaning ayrim hududlarida tuman kuzatiladi.
Respublikaning tog‘ oldi va tog‘li hududlarida ba’zida yo‘ingarchilik, asosan qor shaklida kuzatiladi. Tog‘larda qor ko‘chishi xavfi mavjud.
Toshkent shahrida 4-yanvar kuni kechqurun, shuningdek, 5-yanvar kuni kechasi va ertalab vaqti-vaqti bilan biroz yog‘ingarchilik (tunda qor) kuzatiladi. 5-yanvar kuni kunduzi yog‘ingarchilik kutilmaydi.
Kechasi harorat 0-3° sovuq, kunduzi 3-6° iliq bo‘ladi. Kechasi va ertalabki soatlarda joylarda tuman tushadi.
Ko`proq xabarlar Telegram kanalimizda
Obuna bo`ling
