Foto: Farg'ona viloyat IIB matbuot xizmati
Fargʻona tumani Avval qishlogʻida sodir boʻlgan yoʻl-transport hodisasi oqibatida haydovchi vafot etdi. Bu haqda viloyat IIB matbuot xizmati xabar bermoqda.
Qayd etilishicha, voqea 2023-yil 5-yanvar kuni soat taxminan 11:00 larda sodir boʻlgan. Unga koʻra, 22 yoshli fuqaro boshqaruvida boʻlgan “Nexia-2” rusumli avtomobil Oqtepa mahalla hududida 57 yoshli fuqaro boshqaruvidagi “Damas” rusumli avtomobil bilan toʻqnashib ketgan.
Sodir boʻlgan YTH oqibatida “Damas” rusumli transport vositasi haydovchisi olgan tan jarohati oqibatida koʻrsatilgan tibbiy muolajalarga qaramay shifoxonada vafot etgan.
Holat yuzasidan Fargʻona tuman IIB huzuridagi tergov boʻlimi tomonidan Jinoyat kodeksining 266-moddasi (Odam oʻlimiga sabab boʻlgan transport boshqarish xavfsizligi qoidalarini buzish) 2-qismi bilan jinoyat ishi qoʻzgʻatilib, tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
