Foto: Teznews
Oʻzbekistonning 3 ta viloyatida elektr energiyasi taʼminotida vaqtinchalik cheklov kiritilishi maʼlum qilindi.
Xususan, Surxondaryo viloyati hokimligi maʼlum qilishicha, Oʻzbekiston yagona elektr energetika tizimi favqulodda oʻchishlar va oʻta-havfli rejim holatlarda quvvat hamda yoqilgʻi tinqisligi boʻlgan vaqtlarda Surxondaryo energetika tizimi boʻyicha 2023-yil 4-yanvardan 31-yanvarga qadar Surxondaryo magistral elektr tarmoqlari filiali hamda “Hududiy elektr tarmoqlari” AJ Surxondaryo filiali tasarrufida boʻlgan podstansiyalardan chiquvchi 35−110 kVli tarmoqlarini cheklash boʻyicha maxsus jadval tasdiqlandi.
Buxoro hokimligi ham cheklovlar haqida xabar qilgan. Unda aytilishicha, tizimda quvvat tanqisligi kuzatilgan vaqtlarda hududlarga 3−10-yanvar kunlari keltirilgan jadval asosida cheklovlar kiritilishi mumkin.
“Qashqadaryo hududiy elektr tarmoqlari” esa 3-yanvardan cheklovlar qayta joriy etilganini maʼlum qilgan. Elektr cheklovlari avvaldan ishlab chiqilgan grafik asosida hududlar kesimida teng taqsimot asosida olib borilishi qayd etilgan. Cheklovlar qachongacha davom etishi haqida maʼlumot berilmagan.
Ko`proq xabarlar Telegram kanalimizda
Obuna bo`ling
