Foto: Videodan lavha
Surxondaryo viloyati Denov tumanida uchta transport vositasi ishtirokidagi yoʻl transport hodisasi sodir boʻldi. Bu haqda Yoʻl harakati xavfsizligi matbuot xizmati xabar bermoqda.
Qayd etilishicha, voqea 9-yanvar soat 17:20 larda M-41 Bishkek—Dushanbe—Termiz avtomobil yoʻlining 1487-kilometrida sodir boʻlgan.
Unga koʻra, Nexia-3 haydovchisi mashinani ikkinchi darajali yoʻldan boshqarib kelib, asosiy yoʻldan harakatlanib kelayotgan Damasni oʻtkazib yubormay, u bilan toʻqnashgan.
Toʻqnashuv zarbidan Damas haydovchisi boshqaruvni yoʻqotib, qarama-qarshi yoʻnalishdan kelayotgan avtobusga urilgan.
YTH oqibatida Damas ichidagi bir nafar yoʻlovchi shifoxonada vafot etgan.
Ko`proq xabarlar Telegram kanalimizda
Obuna bo`ling
