Foto: Newsweek.com
Turkmanistonda parlamentning yuqori palatasi tugatilib, bir palatali parlament, yaʼni xalq hokimiyatining oliy organi — Xalq maslahati tashkil etildi.
Davlat axborot agentligining bildirishicha, bunday qaror 21-yanvar kuni parlament palatalarining qoʻshma yigʻilishida qabul qilingan.
Xalq maslahatiga amaldagi prezident Sardor Berdimuhamedovning otasi — sobiq prezident Gurbanguli Berdimuhamedov rais etib saylandi. Prezident farmoni bilan unga “turkman millatining umummilliy lideri” maqomi berildi.
Turkmanistonda ikki palatali parlament 2021-yilning yanvarida tashkil etilgan edi. Gurbanguli Berdimuhamedov prezidentlik kursisini oʻgʻliga topshirganidan soʻng mazkur parlamentning yuqori palatasiga raislik qila boshlagan edi.
Ko`proq xabarlar Telegram kanalimizda
Obuna bo`ling
