Videodan kadr
Jizzax viloyati Arnasoy tumanida er rashk sabab xotinini pichoqladi. Bu haqda IIV Matbuot xizmati xabar berdi.
Maʼlum qilinishicha, hodisa 17-mart kuni Arnasoy tumani “Oltin vodiy” mahallasida sodir boʻlgan. Shu mahallada yashovchi 1991-yilda tugʻilgan fuqaro bilan 28 yoshli turmush oʻrtogʻi oʻrtasida rashk sabab janjal kelib chiqqan. Oqibatda, er oshxona pichogʻi bilan dastlab ayoliga, keyin esa oʻziga jarohat yetkazgan.
Hodisa natijasida 2 nafar voyaga yetmagan farzandning onasi voqea joyida vafot etgan. Erkak esa tuman tibbiyot birlashmasining jonlantirish boʻlimiga yotqizilgan.
Ko`proq xabarlar Telegram kanalimizda
Obuna bo`ling
