Foto: Uznews
FVV Matbuot xizmatining xabariga koʻra, bugun, 28-yanvar kuni soat 10:50 da Yakkasaroy tumani “Qushbegi” MFY Sh.Rustaveli koʻchasida harakatlanib ketayotgan Mersedes-Benz rusumli oʻylovchi tashishga moʻljallangan avtobusda yongʻin sodir boʻlganligi toʻgʻrisida shahar FVBga xabar tushgan.
Haydovchining birlamchi maʼlumotidan avtobusning motor qismida nosozliklar yuzaga kelganligi uchun, yoʻlovchilarni tushirib avtosaroyga qaytayotgan vaqtda dvigatelda yongʻin kelib chiqqan.
Shunga koʻra, 1 ta yongʻin-qutqaruv ekipaji soat 10:54 da voqea joyiga yetib borib, yongʻin soat 10:58 da bartaraf etilgan.
“Hodisa oqibatida tan jarohati olgan va halok boʻlganlar yoʻq. Hozirda yongʻin sababi va moddiy zarar miqdori aniqlanmoqda”, - deyiladi xabarda.
Ko`proq xabarlar Telegram kanalimizda
Obuna bo`ling
