Foto: Videodan lavha
Buxoroda oʻquv markaz sifatida foydalanilayotgan bino yertoʻlasida portlash yuz berdi. Bu haqda viloyat Favqulodda vaziyatlar boshqarmasi matbuot xizmati xabar bermoqda.
Qayd etilishicha, voqea 4-yanvar kuni soat taxminan 00:52 larda Buxoro shahar “Olim Xoʻjayev” MFY Mustaqillik koʻchasida joylashgan 50/3 uyning yertoʻlasida sodir boʻlgan. Xabarga koʻra, mazkur binodan oʻquv markazi sifatida foydalanib kelingan.
Natijada yertoʻladagi 3 dona eshik romlar joyidan siljigan va 70 kvadrat metr maydonda tom qismi plastik qoplamasi zararlangan, binodan tashqaridagi yertoʻlaning beton qoplamasi tushgan.
Chaqnash oqibatida jabrlangan va tan jarohati olganlar yoʻq.
Hozirda chaqnash sabablari aniqlanmoqda.
Ko`proq xabarlar Telegram kanalimizda
Obuna bo`ling
