O‘zbekiston milliy terma jamoasi JCH–2026 oldidan tayyorgarlik rejasini eʼlon qildi. Bu haqda O‘FA xabar berdi.
Jamoa 5–25-may kunlari Toshkentda yig‘in o‘tkazib, mahalliy klublarga qarshi o‘rtoqlik uchrashuvlarida ishtirok etadi. Xususan, 10-may kuni “Surxon”, 16-may kuni “Neftchi” va 22-may kuni terma jamoa ikkiga bo‘lingan holda o‘zaro bahs olib boradi.
26-may kuni terma jamoa Toshkentdan Nyu-Yorkka yo‘l oladi. 27–29-may kunlari AQSHda mashg‘ulotlar tashkil etiladi.
1-iyun kuni O‘zbekiston Kanadaga qarshi o‘rtoqlik o‘yinida maydonga tushadi. Uchrashuv Edmontondagi Commonwealth Stadium‘da bo‘lib o‘tadi.
8-iyun kuni esa jamoa Nyu-Yorkdagi Icahn Stadium‘da Niderlandiyaga qarshi bahs olib boradi.
10-iyundan O‘zbekiston terma jamoasi Atlantadagi JCH bazasiga ko‘chib o‘tadi.
Jamoa guruh bosqichida 17-iyun kuni Kolumbiya, 23-iyun kuni Portugaliya va 27-iyun kuni Kongo DRga qarshi o‘ynaydi.
Ko`proq xabarlar Telegram kanalimizda
Obuna bo`ling
