Foto: Toshkent shahar YXHB
Toshkent shahrining Sergeli va Yunusobod tumanlarida 18-fevral kuni 2 ta yoʻl-transport hodisasi sodir boʻldi. Bu haqda poytaxt YHXB maʼlum qildi.
Yangi Sergeli koʻchasida soat 06:45 MAN avtobusi hamda Lacetti avtomashinasi ishtirokida YTH roʻy berdi. Hodisa oqibatida 3 fuqaro jarohat olgan.
Shuningdek, Yunusobod tumani Amir Temur koʻchasi Xotira maydoni qarshisida ham YTH sodir boʻldi. Unda Cobalt, Spark, Gentra va Matiz avtomobillari toʻqnashdi.
Oqibatda Cobalt avtomashinasida yongʻin kelib chiqqan. FVV xodimlari tomonidan yongʻin bartaraf etilgan. Hodisa sababli Cobalt hamda Matiz haydovchilari jarohat olgan.
Har ikki holat yuzasidan shahar IIBB YHXB masʼul xodimlari tomonidan surishtiruv harakatlari olib borilmoqda.
Ko`proq xabarlar Telegram kanalimizda
Obuna bo`ling
