Foto: Uzbekistan Airports
Oʻzbekistonda 10-yanvar kuni kuzatilayotgan noqulay ob-havo sharoiti, xususan, qor yogʻishi aeroportlar ishiga salbiy taʼsir koʻrsatdi, deb xabar bermoqda Uzbekistan Airports matbuot xizmati.
Unga koʻra, Flydubai aviakompaniyasining Dubay-Samarqand yoʻnalishi boʻyicha reysi aeroportdagi noqulay ob-havo sharoiti tufayli Navoiy shahridagi muqobil aerodromga qoʻndi. Soat 05:04 da samolyot qaytib Samarqandga uchdi.
“Qanot Sharq” aviakompaniyasining Moskva-Samarqand yoʻnalishi boʻyicha parvoz qilayotgan samolyot aeroportdagi noqulay ob-havo sharoiti tufayli Toshkentdagi muqobil aerodromga yoʻnaltirildi. Samarqand aerodromida qordan tozalash ishlari olib borilmoqda.
Uzbekistan Airways aviakompaniyasining Andijon-Samarqand-Andijon yoʻnalishi boʻyicha reyslari noqulay ob-havo sharoiti tufayli bekor qilindi.
Toshkent-Andijon-Toshkent reysi oʻzgartirilgan jadvalga muvofiq amalga oshiriladi. Toshkentdan uchish mahalliy vaqt bilan soat 13:00 da amalga oshiriladi, Andijon aeroportiga yetib kelish soat 14:00. Qaytish reysi mahalliy vaqt bilan soat 16:20 ga belgilangan.
Samarqand-Moskva, Samarqand-Sankt-Peterburg yoʻnalishidagi reyslari ob-havo sharoiti tufayli soat 15:00 ga qoldirildi.
Flydubai aviakompaniyasining Samarqand-Dubay yoʻnalishi boʻyicha reysi esa soat 19:00 ga koʻchirildi. Hozirda Samarqand aeroportida uchish-qoʻnish yoʻlagini tozalash ishlari munosabati bilan havo kemalarini qabul qilish/joʻnatish boʻyicha vaqtinchalik cheklovlar joriy etilgan.
Shuningdek, Buxoro-Namangan-Buxoro yoʻnalishi boʻyicha reyslar noqulay ob-havo sharoiti tufayli bekor qilindi.
Noqulay ob-havo sharoiti sababli ayni paytda Toshkent aeroportida quyidagi yoʻlovchi reyslari kechiktirildi:
- Toshkent-Sochi mahalliy vaqt bilan 10:12 da joʻnab ketdi;
- Toshkent-Nukus mahalliy vaqt bilan 10:30 ga qoldirildi;
- Toshkent-Istanbul mahalliy vaqt bilan 10:35 ga qoldirildi;
- Toshkent-Istanbul qatnovi mahalliy vaqt bilan soat 11:00 ga qoldirildi;
- Toshkent-Termiz mahalliy vaqt bilan soat 14:00 ga qoldirildi.
Abu-Dabi-Samarqand yoʻnalishida parvoz qilayotgan reys ekipaji Navoiydagi muqobil aerodromga qoʻnishga qaror qildi. Taxminiy qoʻnish vaqti, mahalliy vaqt bilan soat 10:32 da.
Ko`proq xabarlar Telegram kanalimizda
Obuna bo`ling
