Toshkent shahar hokimiga ikki nafar yangi o‘rinbosar tayinlandi. Bu haqda poytaxt hokimligi matbuot xizmati xabar berdi.
Dauletiyar Xudaybergenov hokiminng moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari — Toshkent shahar iqtisodiyot va moliya bosh boshqarmasi boshlig‘i lavozimiga tayinlandi.
U tayinlovga qadar Prezident Administratsiyasi Huquqiy ekspertiza va kompleks tahlil qilish departamenti boshqarma boshlig‘i lavozimida ishlagan.
Shuningdek, Alisher Dusmuhamedov hokimning axborot texnologiyalarini joriy etish bo‘yicha o‘rinbosari — Raqamli rivojlanish departamenti rahbari lavozimiga tayinlandi.
U 2023-yildan buyon Bojxona qo‘mitasi Axborot-kommunikatsiya texnologiyalari va kiberxavfsizlikni ta‘minlash boshqarmasi boshlig‘i lavozimida faoliyat yuritgan.
Ko`proq xabarlar Telegram kanalimizda
Obuna bo`ling
