Foto: Toshkent shahri YHXB axborot xizmati
Toshkent shahrida 12-yanvar kuni 17 ta mashina ishtirokida yo‘l-transport hodisasi sodir bo‘ldi. Bu haqda poytaxt YHXB axborot xizmati xabar berdi.
Qayd etilishicha, soat 20:40 da Yunusobod tumani Yangi shahar ko‘chasida bir qancha transport vositalari to‘qnashuvi oqibatida yo‘l-transport hodisasi sodir bo‘lgan.
Jami 17 ta avtomashina o‘rtasida to‘qnashuv sodir bo‘lgan. Jumladan:
- Nexia-3 2 ta;
- Nexia-1 2 ta;
- Mercedes-Benz 1 ta;
- Best tune T 33 1 ta;
- Damas 1 ta;
- Matiz 5 ta;
- Spark 2 ta;
- Kia K5 1 ta;
- Volkswagen 1 ta;
- Isuzu yuk mashinasi 1 ta.
Yo‘l-transport hodisasi natijasida 1 nafar haydovchi va yo‘lovchi tan jarohati olgan, hozirda shifokorlar nazoratida.
Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Ko`proq xabarlar Telegram kanalimizda
Obuna bo`ling
