Foto: Transport vazirligi matbuot xizmati
Oʻzbekistondan xalqaro yoʻnalishlarga amalga oshiriladigan avtobus qatnovlari vaqtincha toʻxtatildi. Bu haqda Transport vazirligi matbuot xizmati xabar bermoqda.
Qayd etilishicha, shu kunlarda Qozogʻiston va Rossiyada kuzatilayotgan kuchli sovuq tufayli yoʻllarda muzlamalar hosil boʻlib, transport vositalarida texnik nosozliklar kelib chiqishi oqibatida yoʻlovchilar qiyin vaziyatga tushib qolmoqda.
Shu sababli noqulay ob-havo sharoitini inobatga olinib, yoʻlovchi tashishda xavfsizlikni taʼminlash maqsadida Oʻzbekistondan xalqaro yoʻnalishlarda amalga oshiriluvchi muntazam avtobus qatnovlari 13-yanvardan vaqtinchalik toʻxtatildi.
Ko`proq xabarlar Telegram kanalimizda
Obuna bo`ling
