Foto: Teznews
Joriy yilning 10-aprel kuni soat 17:30 atrofida Toshkent shahar Mirobod tumanida joylashgan 110-sonli maktabda 2009-yilda tugʻilgan, shu maktabning 8-sinf oʻquvchisi M.S. vafot etdi, deya xabar bermoqda Bosh prkouratura matbuot xizmati boshligʻi Xayot Shamsutdinov.
Mazkur maktab kuzatuv kamerasi videoyozuvlari oʻrganilganida, hodisa joyida janjal yoki kelishmovchilik boʻlmagani maʼlum boʻldi.
Sud-tibbiy ekspertizasining xulosasiga koʻra, M.S. oʻlimiga “oshqozon osti beziga keng koʻlamli qon quyilishi, oʻtkir yurak qon-tomir yetishmovchiligi, oʻng koʻz yonida shilinma, ichki aʼzolari toʻlaqonligi, bosh miya va oʻpkalar shishi” sabab boʻlgan.
Hozirda mazkur holat yuzasidan tergovga qadar tekshiruv harakatlari olib borilmoqda.
Ko`proq xabarlar Telegram kanalimizda
Obuna bo`ling
