Foto: Videodan lavha
Xorazm viloyati Tuproqqalʼa tumanida benzin tashuvchi yuk mashinasi yonib ketdi. Bu haqda viloyat Favqulodda vaziyatlar boshqarmasi matbuot xizmati xabar bermoqda.
Qayd etilishicha, voqea 17-yanvar kuni soat 17:45da tumanning “Nukus” MFY hududidan oʻtgan Gʻuzor-Buxoro-Nukus-Benau A-380 avtomobil yoʻlida sodir boʻlgan. Unga koʻra, mazkur yoʻlning 531-kmda harakatlanib borayotgan haydovchi boshqaruvida boʻlgan MAN rusumli yengil alangalanuvchi suyuqlik (benzin) tashuvchi yuk avtomobilida yongʻin sodir boʻlgan.
Yongʻin natijasida avtomobil va sisternasidagi yengil alangalanuvchi suyuqlik (benzin) yongan. Mazkur yongʻin Yongʻin-qutqaruvchilar tomonidan soat 20:12da toʻliq bartaraf etilgan.
Maʼlum qilinishicha, hozirda yongʻinning sababi va zarari aniqlanmoqda. Voqea natijasida tan jarohat olgan va halok boʻlganlar yoʻq.
Ko`proq xabarlar Telegram kanalimizda
Obuna bo`ling
