Foto: Teznews
Bosh prokuratura matbuot kotibi Hayot Shamsutdinovning xabar berishicha, 2023-yil 15-fevral kuni Namangan tumanida joylashgan choʻyan quyish sexidagi parogenerator (avtoklav) da par bosimi ortib ketishi tufayli portlash sodir boʻlgan.
Oqibatda, ushbu sexda ishlayotgan 1 nafar ishchi tan jarohati olgan, 2 nafari hodisa joyida vafot etgan.
Mazkur holat yuzasidan Jinoyat kodeksining 257-moddasi 2-qismi “a” bandi (Mehnatni muhofaza qilish qoidalarini buzish) bilan jinoyat ishi qoʻzgʻatildi.
Namangan tuman IIB huzuridagi Tergov boʻlinmasi tomonidan tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
