Foto: Mehnat.uz
Oʻzbekistonda 18 yoshga toʻlmaganlar ishlashi mumkin boʻlmagan kasblar roʻyxatti eʼlon qilindi. Bu haqda tasdiqlanishi kutilayotgan 2022-yil 28-oktyabrdagi “Oʻzbekiston Respublikasi Mehnat kodeksini tasdiqlash toʻgʻrisida”gi qonunga muvofiq ushbu roʻyxat Vazirlar Mahakamasi tegishli qarorda qayd etilgan.
Roʻyxatga koʻra, voyaga yetmaganlar mehnatidan quyidagi ishlarda foydalanishi taqiqlanadi:
- togʻ ishlarida, metro, tunnellar va maxsus yer osti inshootlari qurilishida;
- geologiya qidiruv va topografiyageodeziya ishlarida;
- metallurgiya sanoatida;
- issiqlik va elektr energiyasi ishlab chiqarish va uzatishda (energetika xoʻjaligi);
- quduqlarni qazish, neft va gazni qazib olishda;
- neft, gaz, koʻmir, neft moylari va surtmalarini ishlab chiqarishda, magistral neft quvurlari, gaz quvurlari va neft bazalarida ishlashda;
- kimyoviy ishlab chiqarishda;
- neftkimyo sanoatida;
- mikrobioligik ishlab chiqarishda;
- dori-darmon, tibbiyot, bakteriy va biologik preparat va mahsulotlar ishlab chiqarishda;
- mashinasozlik va metallarni qayta ishlashda;
- uchuvchi apparat, dvigatel va ularning jihozlarini taʼmirlashda;
- elektrotexnika sanoatida;
- radiotexnika va elektronlar ishlab chiqarish;
- qurilish materiallari sanoatida;
- keramik mahsulotlarni ishlab chiqarishda;
- farfor va fayans buyumlarini ishlab chiqarishda;
- shisha va shisha buyumlarini ishlab chiqarishda;
- qurilish, montaj va taʼmirlash-qurilish ishlarida;
- yogʻochni qayta ishlab chiqarishda;
- toʻqimachilik sanoatda;
- yengil sanoatda;
- oziq-ovqat sanoatida;
- poligrafiya ishlab chiqarishida;
- transport barcha turlarining umumiy kasblari;
- badiiy va zargarlik buyumlari, musiqa asboblari ishlab chiqarishda;
- sogʻliqni saqlash muassasalarining shifokorlarning-mehnat ekspertizasi, veterinar muassasalar, medisina, ilmiy tekshirish va oʻquv muassasalari, bakteriya va virus preparatlari korxonalari va farmasevtik fabrikalarida.
Maʼlum qilinishicha, mazkur qaror 2023-yil 1-maydan kuchga kiradi va manfaatdor vazirlik va idoralar oʻzlari qabul qilgan normativ-huquqiy hujjatlarni ushbu qarorga muvofiqlashtiradi.
Ko`proq xabarlar Telegram kanalimizda
Obuna bo`ling
