Foto: Repost.uz
Bugun kamida 9 ta hududdagi maktablarda darslar boshlanishi ma'lum bo'ldi. Biroq ayrim hududlardagi e'lonlar hamon tushunarsizligicha qolmoqda.
11-yanvardan boshlab poytaxtdagi umumtaʼlim maktablarida ularning sharoiti, ishlashga tayyorligiga qarab, bosqichma-bosqich oʻquv jarayonlari boshlanadi.
Bu haqda 10-yanvar kuni kech soat 22:47da maʼlum qilgan shahar hokimligiga koʻra, darslar qachon boshlanishini maktablar rahbariyati ota-onalar kengashi bilan kelishgan holda hal qiladi.
Hokimlik bayonotidagi bu ikki abzas bir-biriga zid: 11-yanvardan darslar boshlanishi aytildi, lekin qaysi maktablarda boshlanishiga aniqlik kiritilmadi – qanday qilib ota-onalar 11-yanvardan darsni boshlash haqidagi qarorga kelishlari mumkin, axir 10-yanvar deyarli tugagan.
Pala-partish va chala eʼlon qilingan rasmiy eʼlonlarga koʻra, 11-yanvardan boshlab:
- Andijon, Buxoro va Xorazm viloyatlaridagi barcha maktablarda;
- Namangan, Samarqand va Surxondaryodagi aksariyat maktablarda;
- Jizzaxdagi maktablarning 25 foizida;
- Toshkent shahri va Qashqadaryoda ham maktablar 11-yanvardan ochiladi, lekin rasmiy eʼlonlar juda tushunarsiz;
- Qoraqalpogʻistondagi maktablarda III chorak 12-yanvardan, Fargʻona viloyatida 16-yanvardan boshlanadi;
- Sirdaryo, Navoiy va Toshkent viloyatlarida taʼtil qachongacha davom etishi haligacha aniq emas.
Ko`proq xabarlar Telegram kanalimizda
Obuna bo`ling