Foto: Repost.uz
Ijtimoiy tarmoqlarda Toshkentda sovuq havoning uchinchi kunida avtobuslar odatdagidan uchdan bir qismga kamaygani haqida xabarlar tarqaldi. Mazkur xabarlar yuzasidan “Toshshahartransxizmat” rasmiy munosabat bildirdi.
Qayd etilishicha, havo haroratining -20 darajagacha keskin pasayishi tufayli yaqinda xarid qilingan katta sigʻimli avtobuslarda dvigatellar ishlamay qolgan.
“Shu sababli 12-yanvar kuni avtobuslarning poytaxtga kelishida 30-35 daqiqaga kechikishlar kuzatildi. Zavod mutaxassislarining tezkor ishlari tufayli texnik nosozliklar bartaraf etildi va avtobuslar yoʻnalishlarga chiqdi”, — deyiladi xabarda.
Maʼlum qilinishicha, kompaniya fuqarolarning jamoat transportida kutish vaqtini qisqartirish maqsadida yoʻnalishlarga qoʻshimcha 20 ta MAN turistik avtobuslari chiqarilgan.
Ko`proq xabarlar Telegram kanalimizda
Obuna bo`ling
