Foto: Telegram
Toshkent shahar Yashnobod tumanida bankomatni buzib, uning ichidan pul oʻgʻirlagan shaxs qoʻlga olindi. Bu haqdaToshkent shahar IIBB matbbuot xizmati xabar bermoqda.
Qayd etilishicha, oʻgʻirlik 30-dekabr kuni soat tonggi 6:00 da tumandagi bankomatlardan birida sodir boʻlgan. Maʼlum qilinishicha, erkak 7,5 million soʻmni olib, voqea joyidan qochib ketgan.
Huquq-tartibot idoralari xodimlari videokuzatuv kamerasi tasvirlari yordamida gumonlanuvchining shaxsini aniqlab, qoʻlga olgan.
Mazkur holat yuzasidan Jinoyat kodeksining 169 (oʻgʻirlik) va 173-moddalari (Mulkni qasddan nobud qilish yoki unga zarar yetkazish) bilan jinoyat ishi qoʻzgʻatilgan. Gumonlanuvchi hibsga olingan, tergov davom etmoqda.
Ko`proq xabarlar Telegram kanalimizda
Obuna bo`ling
