Foto: EPA
Avstraliyada ikkita sayyohlik vertolyoti oʻzaro toʻqnashib ketdi. Bu haqda Kvinslend shtati politsiyasi xabar bermoqda.
Qayd etilishicha, toʻqnashuv Brisbendan janubda Oltin sohildagi mashhur Meyn-Bich sayyohlik zonasi yaqinida sodir boʻlgan. Unga koʻra, vertolyotlarning biri qoʻnayotgan, ikkinchisi esa havoga koʻtarilayotgan vaqtda toʻqnashuv yuz bergan.
Xabarga koʻra, vertolyotlar Sea World kurorti tashqarisidagi qumli qirgʻoqqa qulab tushgan.
Maʼlumotlarga koʻra, ikkiala vertolyot ichida jami 13 kishi boʻlgan. Ulardan toʻrt nafari halok boʻlgan, toʻqqiz kishi esa jarohatlangan. Ularning uch narafi ogʻir ahvolda.
Avstraliya transport xavfsizligi byurosi (ATSB) voqea yuzasidan tekshiruv boshladi. Mutaxassislar vertolyotlar vayronalarini koʻzdan kechirmoqda, zarur namunalar olib, guvohlar bilan suhbatlashmoqda.
Ko`proq xabarlar Telegram kanalimizda
Obuna bo`ling
