Foto: Toshkent shahar IIBB
Joriy yilning 10-aprel kuni soat 07:30 da Bektemir tumani Oltintopgan koʻchasida 2 ta yengil avtomobil ishtirokida YTH sodir boʻlgan. Bu haqda Toshkent shahar IIBB Matbuot xizmati xabar berdi.
Aniqlanishicha, 1988-yilda tugʻilgan N.R. Sparkʻni ishonchnoma orqali boshqarib ketayotib, oraliq masofani saqlamay, yoʻl chetida toʻxtab turgan haydovchi 1995-yilda tugʻilgan J.Gʻ.ga tegishli Spark bilan toʻqnashib ketgan va boshqaruvni yoʻqotib yoʻl chetida harakatlanib ketayotgan piyodani urib yuborgan.
Natijada, 1983-yilda tugʻilgan piyoda turli xil tan jarohatlari, 2-darajali koma holati tashxisi bilan kasalxonaga olib borilgan. Biroq koʻrsatilgan tibbiy muolajalarga qaramay 11-aprel kuni soat 02:15 da vafot etgan.
Mazkur holat yuzasidan JKning 266-moddasi 2-qismi bilan jinoyat ishi qoʻzgʻatilgan. Hozirda tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
