Foto: Toshkent shahar IIBB matbuot xizmati
Toshkent shahar Mirzo Ulugʻbek tumanida katta tezlikda harakatlanib kelayotgan Tracker avtomobili avtobus bilan toʻqnashib ketdi. Bu haqda Toshkent shahar IIBB matbuot xizmati xabar bermoqda.
Qayd etilishicha, voqea 22-yanvarga oʻtar kechasi taxminan soat 00:40 larda Mirzo Ulugʻbek koʻchasida sodir boʻlgan. Unga koʻra, 4-sonli avtokorxona qarshisida 25 yoshli haydovchi oʻzining boshqaruvidagi Tracker rusumli avtomobilda tezlikni oshirib harakatlangan.
Natijada rul boshqaruvini yoʻqotib, yoʻl chetida harakatsiz turgan Isuzu rusumli avtobus bilan toʻqnashuv sodir etgan. Toʻqnashuvdan soʻng Tracker avtomobilining old qismida yongʻin chiqqan.
Sodir boʻlgan YTH oqibatida Tracker avtomobilidagi yoʻlovchilaruch nafar yoʻlovchi turli darajadagi tan jarohatlari bilan shifoxonaga yotqizilgan.
Hozirda mazkur holat yuzasidan tergovga qadar tekshiruv harakatlari olib borilmoqda.
Ko`proq xabarlar Telegram kanalimizda
Obuna bo`ling
