Buxoro viloyati Gʻijduvon tumanida joylashgan savdo markazlaridan birida yongʻin sodir boʻldi. Bu haqda viloyat Favqulodda vaziyatlar boshqarmasi matbuot xizmati xabar bermoqda.
Qayd etilishicha, 7-yanvar kuni soat 05:20 da Buxoro viloyati Gʻijduvon tumani “Degrezon” MFY Degrezon koʻchasida joylashgan savdo majmuasida yongʻin sodir boʻlayotganligi toʻgʻrisida tuman FV boʻlimiga xabar tushgan.
Shunga koʻra 8 ta yongʻin-qutqaruv ekipaji soat 05:23 da voqea joyiga yetib borib, yongʻin soat 05:45 da qurshab olingan va yongʻin soat 07:50 da toʻliq bartaraf etilgan.
Dastlabki maʼlumotlarga koʻra savdo majmuasining taxminan 250 kvadrat metr maydonda ichki qismi va mahsulotlari yongan.
Yongʻin oqibatida fuqarolarni tan-jarohati olish va halok boʻlish xolatlari qayt etilmadi.
Voqea joyiga viloyat FVB rahbariyati, tuman FVB rahbar xodimlari yetib borgan.
Ko`proq xabarlar Telegram kanalimizda
Obuna bo`ling
