Toshkent viloyatining Parkent tumanidagi bolalar bog‘chasida 28-fevral kuni tarbiyachi bolalarni urdi. Bu haqda Bolalar ombudsmani matbuot xizmati xabar berdi.
Maʼlum qilinishicha, tarbiyachi A.P (1994-yilda tug‘ilgan, ayol) tarbiyalanuvchilar Z.R (2018-yilda tug‘ilgan, qiz bola) va S.M (2019-yilda tug‘ilgan o‘g‘il bola)larning quloq qismidan tortib, yuz va bosh qismlariga qo‘li bilan bir necha marotaba urgan.
Holat yuzasidan hozirda tergovga qadar tekshiruv olib borilmoqda, voyaga yetmagan bolalarga nisbatan tan jarohati yetkazilganligi faktini aniqlash maqsadida sudga oid ekspertiza tayinlangan.
Bolalar ombudsmani holat yuzasidan o‘z kuzatuvini davom etadi.
Ko`proq xabarlar Telegram kanalimizda
Obuna bo`ling
