Bugun kunduzi va ish haftasining oxirigacha Oʻzbekistoning barcha hududlari boʻyicha yogʻingarchiliksiz ob-havo saqlanib turadi. Bu haqda Oʻzgidromet xabar berdi.
Respublikaning ayrim joylariga kechasi va ertalab tuman tushishi mumkin. Shamol sharqdan 7-12 m/s tezlikda esadi.
Havo haroratining asta-sekin koʻtarilishi davom etadi. Haftaning birinchi yarmida kechalari biroz sovuq boʻlishi saqlanib turadi, kunduz kunlari esa havo harorati 8-11 daraja iliq atrofida boʻladi.
Chorshanba va payshanba kunlari kechalari 0-3 daraja iliq, kunduz kunlari 12-15 daraja iliq boʻlishi kutilmoqda. Shimolda harorat asosan kechalari 0-5 daraja sovuq, kunduz kunlari 4-9 iliq boʻladi.
Toshkentda 3-7-fevral kunlari yogʻingarchilik kutilmaydi. Shamol sharqdan 3-8 m/s tezlikda esadi.
Harorat 3-4-fevralda kechalari 0-2 daraja sovuq, kunduz kunlari 8-10 daraja iliq boʻladi. Harorat 5-7-fevralda kechalari 1-3 daraja iliqqacha, kunduz kunlari 12-15 daraja iliqqacha asta-sekin koʻtariladi.
Ko`proq xabarlar Telegram kanalimizda
Obuna bo`ling
