Samarqandda 2001-yilda tugʻilgan fuqaro M.G. 11-dekabrdan 12-dekabrga oʻtar kechasi soat tahminan 23:00 larda oʻzini Rudakiy koʻchasidagi uylardan birining derazasidan pastga tashlab, oʻz joniga qasd qilgan. Bu haqda Bosh prokuratura matbuot xizmati "Daryo"ga xabar berdi.
Mazkur holat yuzasidan Samarqand shahar boʻyicha IIO FMB navbatchilik qismi tomonidan Samarqand shahar prokuraturasiga berilgan xabar asosida hodisa joyiga tergov-tezkor guruhi chiqishgan.
Tergov-tezkor guruhi tomonidan hodisa joyi koʻzdan kechirilib, hodisa guvohi boʻlgan shaxslardan batafsil tushuntirish xatlari olingan.
Shuningdek, marhuma M.G. ning oʻlim sababini aniqlash maqsadida sud-tibbiy ekspertizasi tayinlangan.
Hozirda mazkur holat yuzasidan Samarqand shahar prokuraturasi tomonidan tergovga qadar tekshiruv harakatlari olib borilmoqda.
Ko`proq xabarlar Telegram kanalimizda
Obuna bo`ling
