Chilonzor tumanida oʻgʻrilik sodir etgan shaxs ushlandi, deb xabar berdi poytaxt IIBB matbuot xizmati.
Maʼlum qilinishicha, Chilonzorda yanvar-fevral oylarida nomaʼlum shaxs yirik savdo majmuasi omboridan 2001-yilda tugʻilgan S.U. ga tegishli 55 mln soʻmlik 275 juft ayollar poyabzalini oʻgʻirlab ketgan.
Koʻrilgan chora-tadbirlar natijasida, ushbu jinoyatni sodir etishda gumon qilingan 1990-yilda tugʻilgan N.O. aniqlanib, qoʻlga olingan.
Mazkur holat yuzasidan Jinoyat kodeksining 169-moddasi (“Oʻgʻrilik”) bilan jinoyat ishi qoʻzgʻatilgan. Tergov davom etmoqda.
Gumonlanuvchiga nisbatan qamoqqa olish tarzidagi ehtiyot chorasi qoʻllangan.
Ko`proq xabarlar Telegram kanalimizda
Obuna bo`ling
