Toshkent viloyati Ekologiya, atrof-muhitni muhofaza qilish va iqlim oʻzgarishi boshqarmasi inspektorlari tomonidan Yangiyoʻl tumanida navbatdagi ekologik nazorat tadbirlari oʻtkazildi.
Reyd davomida tumanning Xalqabod MFY, Oʻzbekiston koʻchasida 1 tup koʻp yillik chinor daraxti tag qismidan kesilganligi hamda yana 1 tup koʻp yillik chinor daraxtiga qasddan shikast yetkazilganligi aniqlandi.
Holat yuzasidan tezkor surishtiruv oʻtkazilib, huquqbuzarlik Toshkent shahri, Chilonzor tumani, Gavhar koʻchasida yashovchi fuqaro X.D. tomonidan sodir etilganligi maʼlum boʻldi. U tabiatga 199 million soʻmdan ortiq zarar yetkazgan.
Hozirda tegishli hujjatlar rasmiylashtirilib, holatga huquqiy baho berish va chora koʻrish maqsadida Toshkent viloyati prokuraturasiga yuborildi.
Ko`proq xabarlar Telegram kanalimizda
Obuna bo`ling
