Samarqand viloyati, Narpay tumani, “Didan” MFY hududidan oʻtuvchi M-37 Samarqand-Buxoro-Turkmanboshi avtomobil yoʻlining 115 km da 30-oktyabr kuni soat 21:00 larda YTH sodir boʻldi.
“YUTONG BUS ZKB 122” avtobus haydovchisi oʻzi bilan bir yoʻnalishda oldinda harakatlanib kelib, yoʻlning belgilangan qismidan qayrilib olayotgan, TTZ 80.1 rusumli traktorining “2PTS-4-793A” rusumli tirkamasiga borib urilgan.
YTH oqibatida avtobus yoʻlovchisi shifoxonaga yotqizilgan.
Holat yuzasidan Narpay tumani IIB JXX YHXG tomonidan dastlabki surishtiruv ishlari olib borilmoqda.
Ko`proq xabarlar Telegram kanalimizda
Obuna bo`ling
