Toshkent viloyatida kadastr xodimining noqonuniy harakati fosh etildi, deb xabar berdi DXX.
Maʼlum qilinishicha, Davlat kadastrlar palatasining Oqqo‘rg‘on tuman filiali kadastr muhandisi fuqaro tomonidan o‘zboshimchalik bilan egallab olingan 9 sotix yerga qonun doirasida egalik guvohnomasini rasmiylashtirib, uy-joy qurish uchun ruxsat olib berish evaziga 1200 dollar talab qiladi.
O‘tkazilgan tezkor tadbirda kadastr muhandisi so‘ralgan pul mablag‘ini olgan vaqtida ushlandi.
Hozirda unga nisbatan Jinoyat kodeksining 168-moddasi 3-qismi “v” bandi (Firibgarlik uyushgan guruh tomonidan yoki uning manfaatlarini ko‘zlab sodir etilgan bo‘lsa) va 28,211-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.
Ko`proq xabarlar Telegram kanalimizda
Obuna bo`ling
